شوية استفسارات و واثقة انكم هاتفيدونى ان شاء الله
الرئيسيةالرئيسية  س .و .جس .و .ج  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخولدخول  

مرحبا بالجميع أسعدنا انضمامكم الينا ونتمنى لكم الفائده والمتعة ... ....تنبيه هاااااام جدا !!! رجاءا عدم وضع الصور النسائية أو أى صورة تخالف الدين الاسلامى سواءا فى التوقيعات أو الصور الرمزية حتى لا يتم حذفها ذلك لأننا نريد النجاح والتميز ولا نريد البعد عن الله ... مع تحيات ادارة المنتدى

https://i44.servimg.com/u/f44/13/64/63/15/eiaa-u35.gif


المواضيع الأخيرة
» حصريا ::قائمة أسعار منتجات ماى واى في شهر ديسمبر 2016 .. بسعر الكتالوج .. بسعر العضويه .. وعدد النقاط
أمس في 4:04 pm من طرف محمد رفعت

» توفر مكافآت شهر نوفمبر 2016 بفروع ماى واى ..تعرف علي مواعيد وكيفية الصرف !!
أمس في 12:24 pm من طرف محمد رفعت

» تنشيط فروع ماى واى مصر - ديسمبر 2016 الاربعاء والخميس والجمعه 7و8و9 ديسمبر 2016
أمس في 12:03 pm من طرف محمد رفعت

»  منتجات جديده توفرت من مصانع ماي واي اليوم الاثنين 5-12-2016 بفرع المهندسين
أمس في 11:32 am من طرف محمد رفعت

» منتجات جديده توفرت من مصانع ماي واي اليوم الاثنين 5-12-2016 بفرع الجيزه
أمس في 11:32 am من طرف محمد رفعت

» منتجات جديده توفرت من مصانع ماي واي اليوم الاثنين 5-12-2016 بفرع اكتوبـــــــــر
أمس في 11:31 am من طرف محمد رفعت

» منتجات جديده توفرت من مصانع ماي واي اليوم الاثنين 5-12-2016 بفرع المنصوره
أمس في 11:31 am من طرف محمد رفعت

» تنشيط فروع الاسكندريه من الاتنين 5 ديسمبر الي الجمعه 9 ديسمبر 2016
الأحد ديسمبر 04, 2016 11:13 pm من طرف محمد رفعت

» منتجات جديده توفرت من ماى واى اليوم الاحد 4-12-2016 بفرع المهندسين
الأحد ديسمبر 04, 2016 10:25 am من طرف محمد رفعت

شاطر | 
 

 شوية استفسارات و واثقة انكم هاتفيدونى ان شاء الله

استعرض الموضوع السابق استعرض الموضوع التالي اذهب الى الأسفل
كاتب الموضوعرسالة
 
 
 
عضو جديد
عضو جديد


عدد المساهمات : 20
تاريخ التسجيل : 26/10/2011

معاينة صفحة البيانات الشخصي للعضو


مُساهمةموضوع: شوية استفسارات و واثقة انكم هاتفيدونى ان شاء الله   الجمعة أكتوبر 28, 2011 9:28 am




السلام عليكم و رحمة الله و بركاته

انا عشان جديدة ف موضوع ماى واى ده فى حاجات مش فاهماها
و لما باسأل اعضاء قدام بالاقيهم مش فاهمين بردو !!


انا دلوقت لسة ف مستوى 3%
عشان عاملة 229 نقطة
و لما حسبت المكافأة بالطريقة اللى ا/ محمد قال عليها طلعت 10 تقريبا
مفروض بأة اعمل ايه ؟
يوم 10 الشهر الجاى اروح اقول للموظف عايزة المكافأة و اخدها
ولا ممكن تتخصملى من مبلغ الاوردر اللى هادفعه ؟


و سؤال تانى
انا سمعت انى لما احقق برنامج الشهر مفروض ليا هدايا من الليدر
و الهدايا دى مش منها هى اصلا ده الشركة هى اللى بتديهالها توزعها ع الاعضاء اللى يعملو البرنامج
هل الكلام ده صح ؟
و هل المقصود بالبرنامج هنا هو بتاع الشهر الواحد فقط يعنى مثلا بالنسبة للشهر ده اللى هو ال225 نقطة
ولا مقصود بيه برنامج اكتوبر-نوفمبر-ديسمبر مع بعض ؟
و لو الكلام ده صح
عايزة اعرف انا ليا عندها ايه بالظبط عشان اطالبها بيه
عشان هى للاسف مش مهتمية بالمجموعة خالص و ماعرفش عنها حاجة
و هل ينفع اطلب من الشركة انى اخد هديتى منهم بدل من الليدر ؟


و سؤال تالت
هل ينفع اعمل عضوية لحد ببيانات البطاقة الاسم و العنوان و التلفون و حتى لو الرقم القومى كمان
ولا لازم صورة البطاقة ؟ لان لو واحدة من ع النت و طلبت اعملها عضوية هاجيب صورة بطاقتها ازاى ؟


و سؤال كمان معلش طولت عليكم
بالنسبة للتنشيطات
هو نقاط التنشيط مش بتتضاف على نقاط الشهر ؟ ولا هى بتبقى خاصة بالتنشيط فقط و مالهاش دعوة بالنقاط العادية ؟ و كل فايدتها بس هى هدايا التنشيط اللى عاملينها ؟


جزاكم الله خيرا مقدما
انا اسفة طولت عليكم بس انا أملى فيكم خير
و نفسى افهم كل حاجة من زمان و مش بالاقى حد يفيدنى و اكون واثقة ف كلامه



{.... توقيع douaamagdy ....}
 
 
 
{..dina ali..}
عضو ملكى
عضو ملكى


عدد المساهمات : 601
تاريخ التسجيل : 11/11/2010

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   الجمعة أكتوبر 28, 2011 11:29 am




بصي يا حبيبتي انا حجاوبك في حدود معلوماتي لحد ما استاذ محمد يرد عليكي واحنا كلنا هنا اخوات ولا خاب من استشار

بالنسبة للمكافاة بتروحي الشركة من يوم 10لحد 15 وبتسالي على المحاسب وبتكون معاكي صورة بطاقتك او الأصل وبتقوليلة انا لي مكافاه عايزة اقبضها بيطلب كود العضوية وبيصرفهالك

لكن معرفش هي ممكن تتخصم من الاوردر ولا لأ

موضوع الهدايا ده بيبقي هدايا الكتالوج ودي بتستلميها مع الاوردر لما بتطلبيه سواء شحن او مباشرة من الشركة ولما بتحققي النقط المطلوبة يعني مثلا هدايا الشهر ده كانت على 100 نقطة بتاخدي شامبو ومعجون اسنان ومنظف صحون وهكذا

لكن ساعات ليدرات تنزل عروض داخلية لمجموعتها بتقول فيه يا جماعة اللي حيعمل نقط معينه بتحددها طبعا حياخد مني كذا او اللي حيدخل اعضاء يعملوا نقط معينه له مني كذا

البرنامج متراكم على بعضه عملتي الشهر الأول حتاخدي هديته وعملتي الأول والتاني حتخدي هدية الأول والتاني وعملتي الاول والتناي والتالث تاخدي الكيك وطقم التوابل والعجانة مثلا زي برنامج اكتوبر ونوفمبر وديسمبر لكن مينفعش تيجي على الشهر التالت تعملي 450نقطة وتطالبي بالعجانه لا الموضوع تراكمي

انتي عملتي الشهر ده 225نقطة تروحي الشركة بالبطاقة او صورتها وتقوللي للأستاذة بتاعه السيستم تنزل لك هداياالبرنامج وتستلميها او لو مش موجوده تضيفها على حسابك عشان لما تيجي تتبعت لك مع الطلبية

بالنسبة لموضوع العضويات ينفع تطلبي من البنوته دي اللي على النت تبعتلك صورة بطاقتها على رقم اقرب فاكس ليكي اكيد هي عندها مكتبة او سنترال في فاكس وانتي كمان بتاخدي رقمة وبتبلغيها بيه وبتبعتلك صورة البطاقة عليه او في حل تاني بتصور البطاقة بتاعتها بكاميرا محمول بس صورة واضحة وبتبعتهالك على الأيميل بتاعك وانتب بتطبعيها

نقط التنشيط بتضاف على نقطتك الشخصية وفايدة التنشيط انك بتاخدي هدية اضافيه غير هدايا الكتالوج وغير هاديا البرنامج

اتمني اني اكون افدتك في حدود معلوماتي وياريت حد من الأدارة يصحح لو اي معلومة ان قلتها غلط



{.... توقيع dina ali ....}
 
 
 
عضو جديد
عضو جديد


عدد المساهمات : 20
تاريخ التسجيل : 26/10/2011

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   الجمعة أكتوبر 28, 2011 11:50 am




جزاكِ الله خيرا يا دينا لاهتمامك و ردك

ف موضوع الهدايا انا ماقصدش هدايا ال100 نقطة ولا هدايا البرنامج اللى الشركة كاتباها ف الكتالوج بردو
انا شفت مثلا ناس ف الفرع كانت بتاخد حلة تحمير هدية و لما سألتهم قالولى عشان حققنا برنامج الشهر
و لما اتكلمت معاهم اللى فهمته انه اصلا الهدايا دى كانت الشركة بتديها لليدر توزعها على اعضاء مجموعتها اللى عملو البرنامج
بس هم الشهر ده استثناء بقوا يدوها للاعضاء بنفسهم
يعنى العروض الداخلية اللى الليدر بتعملها ده مش بمزاجها ده الشركة اصلا بتبقى مدياها الهدايا اللى هاتوزعها


و بالنسبة لموضوع العضويات
صعب اوى ان واحدة من ع النت تثق فيكى لدرجة انها تبعت صورة البطاقة بالفاكس اذا كان بيدولنا معلوماتهم بالعافية و هم خايفين و مترددين و عندهم حق ف كده الصراحة
و كمان انا ليه بالاقى ناس كاتبة لو عايزة عضوية ابعتيلى الاسم و العنوان و التلفون و مش بيطلبو صورة بطاقة ولا حاجة
بيعملولهم عضويات ازاى بأة ؟؟





{.... توقيع douaamagdy ....}
 
 
 
عضو ملكى
عضو ملكى


عدد المساهمات : 3147
تاريخ التسجيل : 02/08/2011

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   الجمعة أكتوبر 28, 2011 12:03 pm






ما شاء الله يا دينا إجابات شافية ووافية

والله ما قصرت


ياريت إذا حد عنده إضافات يقولنا







{.... توقيع seham.ahmed ....}
 
 
 
عضو ملكى
عضو ملكى


عدد المساهمات : 3147
تاريخ التسجيل : 02/08/2011

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   الجمعة أكتوبر 28, 2011 12:13 pm






بصى يا قمر إذا قصدك الهدايا الزيادة دى الليدر بيبقى عاملها فى الفرع

التابع ليه يعنى مثلا إللى هيحقق برنامج اكتوبر ونوفمبر وديسمبر ليه

مثلا شواية فبعد تحقيق البرنامج الليدر هى اللى بتدى الهدايا دى ممكن

لظروف معينة الشركة هى اللى وزعتها ممكن تسألى الليدر تبعك إذا أنتى

نشيطة وليكى شغل كتير تبعتلك تنشيط

اما بخصوص العضوية أنا بعمل عضوية بالتليفون بالرقم القومى والأسم

ورقم التليفون بس عند المكافأة لازم صورة البطاقة عشان تقدرى تستلميها

والله أعلم



{.... توقيع seham.ahmed ....}
 
 
 
{..فاتن..}
إدارة المنتدى
إدارة المنتدى


عدد المساهمات : 3910
تاريخ التسجيل : 09/08/2010

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   الجمعة أكتوبر 28, 2011 5:31 pm




douaamagdy كتب:
جزاكِ الله خيرا يا دينا لاهتمامك و ردك

ف موضوع الهدايا انا ماقصدش هدايا ال100 نقطة ولا هدايا البرنامج اللى الشركة كاتباها ف الكتالوج بردو
انا شفت مثلا ناس ف الفرع كانت بتاخد حلة تحمير هدية و لما سألتهم قالولى عشان حققنا برنامج الشهر
و لما اتكلمت معاهم اللى فهمته انه اصلا الهدايا دى كانت الشركة بتديها لليدر توزعها على اعضاء مجموعتها اللى عملو البرنامج
بس هم الشهر ده استثناء بقوا يدوها للاعضاء بنفسهم
يعنى العروض الداخلية اللى الليدر بتعملها ده مش بمزاجها ده الشركة اصلا بتبقى مدياها الهدايا اللى هاتوزعها


و بالنسبة لموضوع العضويات
صعب اوى ان واحدة من ع النت تثق فيكى لدرجة انها تبعت صورة البطاقة بالفاكس اذا كان بيدولنا معلوماتهم بالعافية و هم خايفين و مترددين و عندهم حق ف كده الصراحة
و كمان انا ليه بالاقى ناس كاتبة لو عايزة عضوية ابعتيلى الاسم و العنوان و التلفون و مش بيطلبو صورة بطاقة ولا حاجة
بيعملولهم عضويات ازاى بأة ؟؟



أولا انا بشكر جميع العضوات اللى ردوا على حضرتك لتعاونهم

ولكن فقط حبيت ارد على حضرتك فى النقطتين دول

بالنسبة لهدايا التنشيطات اللى بتنزلها الشركة فطبعا بتتخصم من الليدرات أتوماتيك من غير رأى الليدر وبتتخصم من مكافآتهم قبل ما يستلموها اصلا

انما دا ما يمنعش ان كثير من الليدرات بينزلوا برامج وهدايا خاصه بيهم تكريما للاعضاء النشطين والمجتهدين فى مججموعاتهم

ودا مش فرض عليهم ولا حاجه انما بيكون من حسن متابعتهم لمجموعاتهم

وهى اجتهادات شخصيه

*** ثانيا // بالنسبة للعضويات

فانتى لما حد يراسلك لو من داخل القاهره فى أى منطقه من مناطقها فتاخدى بياناته فقط الاسم الرباعى والتليفونات والعنوان تفصيلى جدا

وبتسجلى العضوية عادى مع قسم الشحن ولما المندوب بيروحلها بياخد منها العضوية بشحنها 15 جنيه وياخد منها صورة البطاقة

مش لازم تقدمى صورة البطاقه الا اذا كنتى بتسجلى العضوية داخل الفرع نفسه وانتى واقفه

وطبعا باقى المناطق اللى بتغذيها اقسام الشحن مثل الدلتا والصعيد مثلا فمافيش ارسال عضوة بدون أوردر

لازم العضوة الجديده تتسجل على طلبية وبرده لما بيروح المندوب لها باول طلبية بياخد منها صورة البطاقة

أتمنى يكون الامر واضح لحضرتك

ولو عندك اى استفسار انا تحت امرك




{.... توقيع فاتن ....}


 
 
 
عضو جديد
عضو جديد


عدد المساهمات : 20
تاريخ التسجيل : 26/10/2011

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   الجمعة أكتوبر 28, 2011 6:00 pm




جزاكم الله خيرا

انا كده خلاص فهمت موضوع العضوية
و فهمت موضوع المكافأة بس لسة مش عارفة هل ممكن اطلب انه يتخصملى من مبلغ الاوردر اللى هادفعة ولا لأ

ناقص أتأكد من موضوع التنشيط هل بتتضاف نقاطه على نقاط الشهر العادية ولا ده بيبقى حاجة منفصلة ؟

و كمان فى موضوع هدايا الليدر
انا فاهمة ان الليدر ممكن تعمل هدايا من نفسها لمجموعتها
انا اقصد عايزة اعرف لو كانت الشركة بتلزمها بحاجة تجاه اعضاء مجموعتها ف يبقى ليا الحق انى اطالب بيها او لأ




{.... توقيع douaamagdy ....}
 
 
 
{..dina ali..}
عضو ملكى
عضو ملكى


عدد المساهمات : 601
تاريخ التسجيل : 11/11/2010

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   الجمعة أكتوبر 28, 2011 8:30 pm




douaamagdy كتب:
جزاكم الله خيرا

انا كده خلاص فهمت موضوع العضوية
و فهمت موضوع المكافأة بس لسة مش عارفة هل ممكن اطلب انه يتخصملى من مبلغ الاوردر اللى هادفعة ولا لأ

ناقص أتأكد من موضوع التنشيط هل بتتضاف نقاطه على نقاط الشهر العادية ولا ده بيبقى حاجة منفصلة ؟

و كمان فى موضوع هدايا الليدر
انا فاهمة ان الليدر ممكن تعمل هدايا من نفسها لمجموعتها
انا اقصد عايزة اعرف لو كانت الشركة بتلزمها بحاجة تجاه اعضاء مجموعتها ف يبقى ليا الحق انى اطالب بيها او لأ




اولا يا جماعة لا شكر على واجب انا كل اللي عملتة اني مبخلتش بمعلومة عندي

شكرا مدام فاتن على الرد بخصوص العضويات لأني معملتش عضوية قبل كده فمعرفش بروتوكول الموضوع ده بالضبط

نقاط التنشيط بتضاف طبعا مفيش فيها جدال احنا ساعات بناجل الأوردر بتاعنا عشان نستني التنشيط

بالنسبة لموضوع هدايا الليدر مفيش غير انك تتابعي مع الليدر بتاعتك او تتابعي مع الفرع نفسه انا الليدر بتاعتي كانت عاملة تنشيط وكل اعضائها استلموه مع الشحن يعني الشركة وزعتهولها

موضو عالمكافاه انا حجربة الشهر الي جاي انه يتخصملي ولو حصل ححاول ابلغك حتي لو عملت موضوع مخصوص عشان تقدر تتابعي اذا كان اتخصمت المكافاة ولا لأ ان شاء الله

ومرة تانية احنا اخوات وانا تحت امرك في سؤال لحد ما مدام فاتن او استاذ محمد يردوا عليكي



{.... توقيع dina ali ....}
 
 
 
عضو جديد
عضو جديد


عدد المساهمات : 20
تاريخ التسجيل : 26/10/2011

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   الجمعة أكتوبر 28, 2011 8:35 pm




جزاكِ الله خيرا يا دينا
ربنا يكرمك ياحبيبتى



{.... توقيع douaamagdy ....}
 
 
 
عضو ملكى
عضو ملكى


عدد المساهمات : 653
تاريخ التسجيل : 22/08/2011
الموقع : http://mywaygroup.forumegypt.net/

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   الجمعة أكتوبر 28, 2011 11:45 pm







{.... توقيع مدام أسماء ....}
 
 
 
عضو ملكى
عضو ملكى


عدد المساهمات : 553
تاريخ التسجيل : 27/09/2011
العمر : 45
الموقع : http://www.facebook.com/profile.php?id=672601805

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   السبت أكتوبر 29, 2011 1:25 am




بالنسبه لموضوع المكافاه اللى بتسالى عليه

لو حضرتك بتطلبى ديما الاوردارات بتاعتك شحن

بتطلبى ان مكافاتك يبعتوهالك مع الاوردر بتاعك

اما لو بتخدى من الفرع مباشرتا

فبتخدى من الموظفه هناك ببطاقتك الشخصيه





{.... توقيع اسماء محمد منعم ....}
 
 
 
عضو ملكى
عضو ملكى


عدد المساهمات : 3147
تاريخ التسجيل : 02/08/2011

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   السبت أكتوبر 29, 2011 2:15 am






أنا بطلب شحن والمكافأة بتتخصم من ثمن الأوردر




{.... توقيع seham.ahmed ....}
 
 
 
عضو جديد
عضو جديد


عدد المساهمات : 20
تاريخ التسجيل : 26/10/2011

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   السبت أكتوبر 29, 2011 2:31 pm




جزاكم الله خيرا على مساعدتكم
ربنا يجعلها ف ميزان حسناتكم يارب



{.... توقيع douaamagdy ....}
 
 
 
عضو جديد
عضو جديد


عدد المساهمات : 20
تاريخ التسجيل : 26/10/2011

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   الأحد أكتوبر 30, 2011 12:26 pm




طيب ممكن يا ا/ سهام تقوليلى مصاريف الشحن بتبقى كام تقريبا ؟
لو الطلبية فيها شاورات و حاجات تقيلة
و لو الطلبية خلطات و كيكات و حاجات عادية



{.... توقيع douaamagdy ....}
 
 
 
عضو ملكى
عضو ملكى


عدد المساهمات : 3147
تاريخ التسجيل : 02/08/2011

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   الأحد أكتوبر 30, 2011 10:04 pm






فى الغالب الشاورات بتاخد مصاريف أكتر تقريبا فوق الأربع عروض

كل عرض عليه نسبة أكبر مش هقدر أقولك كام غير لما أتأكد أنما زى

ما قولتلك فى مكان تانى الطلبية على حسب نقاطك أقل من 100 نقطة

عليها 5 جنية شحن أما الكيكات والخلطات مش بتوزن كتير وبتفرق من

منطقة للتانية داخل القاهرة أو خارجها وربنا يوفقك



{.... توقيع seham.ahmed ....}
 
 
 
عضو جديد
عضو جديد


عدد المساهمات : 20
تاريخ التسجيل : 26/10/2011

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   الثلاثاء نوفمبر 01, 2011 2:06 pm




جزاكِ الله خيرا يا استاذة سهام
ربنا يكرمك

و معلش سؤال تانى انا عارفة زهقتك منى

هو ينفع لو رحت الشركة الصبح مثلا و عملت عدد نقط معين و مشيت و جيت نفس اليوم ع العصر كملت عدد النقط ل100 نقطة
كده ينفع اخد هدايا ال100 نقطة ؟ ولا لازم ال100 نقطة على فاتورة واحدة و انا واقفة ؟



{.... توقيع douaamagdy ....}
 
 
 
عضو ملكى
عضو ملكى


عدد المساهمات : 3147
تاريخ التسجيل : 02/08/2011

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   الثلاثاء نوفمبر 01, 2011 2:11 pm






بالعكس انتى تنورى ياقمر

لازم النقاط تكون على فاتورة واحدة مدام اتقفلت يبقى خلاص



{.... توقيع seham.ahmed ....}
 
 
 
عضو جديد
عضو جديد


عدد المساهمات : 20
تاريخ التسجيل : 26/10/2011

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   الثلاثاء نوفمبر 01, 2011 2:22 pm




طيب بجد بقة اخر سؤال ان شاء الله بس ماوعدكيش ههههههه

هو لو طلبت شحن بقعدوا كام يوم عقبال ما يوصلوا ؟
انا ف القاهرة و عادى فى فروع قريبة منى بتاع القلج و بتاع الف مسكن

ولا هم مش بيجو من الفروع اصلا و بيجو من حتة تانية



{.... توقيع douaamagdy ....}
 
 
 
إدارة المنتدى
إدارة المنتدى


عدد المساهمات : 9790
تاريخ التسجيل : 07/08/2010
الموقع : ماى واى مصر

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   الثلاثاء نوفمبر 01, 2011 2:30 pm




إذا سمحتم لي بالتدخل والجواب هذه المرة

الشحن بيوصل حضرتك من قسم الشحن
وده مالوش علاقه بالفروع القريبه منك

لكن ممكن تطلبي من الشحن أو من الفرع ونقاطك كلها بتتجمع علي بعضها

لو عملتي عدد معين من النقاط ممكن تكملي عليها لل 100 نقطة وتاخدي هدايا ال 100 نقطة عادي

بس ده لازم يكون في نفس اليوم ومن الفرع بنفسك
وده مسموح بيه في فروع وفروع تانية غير متاح

يعني ممكن حضرتك تسألي من الفرع اللي بتروحيه وتتأكدي من نظامه في الموضوع ده



{.... توقيع محمد رفعت ....}


لا اله الا أنت سبحانك اني كنت من الظالمين




my yahoo-mail : mohamed.myway@yahoo.com
my facebook : http://www.facebook.com/mo7amedrefaat
membership form: http://www.emailmeform.com/builder/form/b3g94E41xeQYTLc6dtfp8c3P
telephone : 01117082083 - 01224890058 - 01068022080
 
 
 
عضو ملكى
عضو ملكى


عدد المساهمات : 3147
تاريخ التسجيل : 02/08/2011

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   الثلاثاء نوفمبر 01, 2011 2:55 pm






حضرتك تتفضل البيت بيتك

طيب انا مرة طلبت طلبية وبعد ما قفلت اكتشفت ان فاضل 35 نقطة

على طقم الصوانى اتصلت بعدها ما فيش نصف ساعة والموظف

حسبها فاتورة جديدة بمصاريف شحن جديدة خالص



{.... توقيع seham.ahmed ....}
 
 
 
عضو جديد
عضو جديد


عدد المساهمات : 20
تاريخ التسجيل : 26/10/2011

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   الثلاثاء نوفمبر 01, 2011 2:57 pm




جزاكم الله خيرا
بجد انتم ناس محترمين جدا و خدومين جدا
ربنا يكرمكم



{.... توقيع douaamagdy ....}
 
 
 
إدارة المنتدى
إدارة المنتدى


عدد المساهمات : 9790
تاريخ التسجيل : 07/08/2010
الموقع : ماى واى مصر

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   الثلاثاء نوفمبر 01, 2011 2:58 pm




لو لاحظتي إني كتبت لازم يكون في نفس اليوم ومن الفرع بنفسك

يعني تكوني متواجده في الفرع

وكمان أضفت إن مش كل الفروع بتسمح بذلك

فيه فروع بتسمح وفروع تانية لا تسمح بذلك

علشان كده طلبت منها تسأل في الفرع بتاعها علي وجه الخصوص



{.... توقيع محمد رفعت ....}


لا اله الا أنت سبحانك اني كنت من الظالمين




my yahoo-mail : mohamed.myway@yahoo.com
my facebook : http://www.facebook.com/mo7amedrefaat
membership form: http://www.emailmeform.com/builder/form/b3g94E41xeQYTLc6dtfp8c3P
telephone : 01117082083 - 01224890058 - 01068022080
 
 
 
عضو ملكى
عضو ملكى


عدد المساهمات : 3147
تاريخ التسجيل : 02/08/2011

معاينة صفحة البيانات الشخصي للعضو


مُساهمةموضوع: رد: شوية استفسارات و واثقة انكم هاتفيدونى ان شاء الله   الثلاثاء نوفمبر 01, 2011 3:16 pm






شكرا لحضرتك منك نستفيد





{.... توقيع seham.ahmed ....}
 

شوية استفسارات و واثقة انكم هاتفيدونى ان شاء الله

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ماى واى  :: شركة ماى واى مصر MY WAY EGYPT :: ماى واى للاشتراك والاستفسار-
جميع الحقوق محفوظه لمنتدي ماى واى©newmyway.comتصميم وتطوير ابن الاسلام منتديات احلى ستايل alt=الرئيسيه | التسجيل |مراسلة الادارة |احصائيات | الاعلى